- BRUNO
- I.BRUNOColoniensis, Remis Theologiam docuit. Vocibus Raimondi Diocris, Canonici Parisiensis, qui opinione Sanctitatis relictâ obiit Lutetiae, se post mortem in feretro erigentis, et horribili sonô tribus diebus continuo se subsequentibus, Accusatus, Iudicatus, Damnatus sum, exclamantis, territus, A. C. 1086. cum sociis quibusdam in eremum la Chartreuse dictum, in Delphinatu, secessit, Carthusianorum ordinis fundator. Obiit A. C. 1101. a Leone X. A. C. 1514. Sanctis insettus. Scripsit commentarios in Psalmos et Epistolas Paulinas, etc. Iohan. Columbi, dissertatione de Chartusianorum initiis. Petraeus Bibl. Carth. Vincentius de Beauvais, l. 26. c. 82. Petrus Cluniac. Mir. l. 2. c. 28. Miraeus, de origine Relig. l. 2. c. 35. Onuphr. Genebr. Sigebert. in Chron. etc.II.BRUNOcontra Berengarium Romae disputavit, A. C. 1079. Abbas dein MontCassini factus. Petr. Diacon. Histor. montis Cass. c. 33. Auctor Historiae Henrici IV. Imperatoris. Voss. l. 2. Hist. Lat. c. 47. Item, filius Henrici Aucupis, Archiepiscopus Coloniensis et Lothatingiae gubernator. Obiit A. C. 965. Item Episcopus Herbipolitanus, patruus Contadi Imperatoris obiit, A. C. 1045. Scripsit commentarios in Psalmos, in Cantica utriusque Testam. in Symbolum Apostolic. et Athanasii, in orationem Domimca. Trithem. de Scriptorib. Eccl. Item, Prussorum Apostolus.III.BRUNOfrater Witikindi, Saxoniae Regis circa A. C. 785. ad obsequium et fidem a Carolo M. adducti, ac hodiernorum Saxoniae Principum conditoris, secundum quosdam Guelfos Comites Altorfii et Duces Bavariae, ex Guelfis autem Zollerio-Brandeburgicam stirpem: secundum alios, Imperatores Saxonicos Ottones genuit. Pater nempe Ludolfi, avus Ottonis Ducis Saxoniae et Brunoms, quorum hic Brunsuicum urbem, hinc Brunopolim dictam, condidit: Alter Henricum Aucupem Imperatorem filium habuit. Quô nati Otto I. Imperator, Henricus Rixosus Dux Bavariae, et Bruno, ut quidam addunt, Archiepiscopus Coloniensi: e quibus medius, praeter henricum II. Imperatorem Marchiones Saxoniae et Thuringiae; Comites Northemios, Brunsuici et aliquos Saxoniae Duces (inter quos Henricus Crassus Lotharii Imperatoris socer) prosevit: Prinus pater Ottonis II. avus Ottonis III. Imperatorum fuit. Ex eiusdem Ottonis I. filio primogenito Ludolfo per nepotes Brunonem arcessunt, qui A. C. 994. sub nomine Gregorii V. Papa fuit. Qui vero de Ottonum origine aliter sentiunt, constituuntWitikindum Wigberti et Witikindi iunioris; Wigbertum autem Walperti et Brunonis, Ottonum praedictorum satoris, genitorem. Vide Phil. Iac. Spenerum Sylloge Geneal. Histor. in Fam. Witikindea.
Hofmann J. Lexicon universale. 1698.